ഏന്റെ അഛനു ചെറുനാരങ്ങയുടെ മണമായിരുന്നു..

ഏന്റെ അഛനു ചെറുനാരങ്ങയുടെ മണമായിരുന്നു…
ഇളം ചൂടുവെള്ളത്തിൽ, തേനും, പഞ്ചസാരയും, അതിലേറെ
സ്നേഹവും ചേർത്ത് ഒരു പാടു രാത്രികളിൽ പകർന്നു നല്കിയ
വാൽസല്യത്തിന്റെ പുളി മധുരം..
ഇന്നു നിഹാരികക്കു വേണ്ടി ശേഖരേട്ടന്റെ പീടികയിൽ നിന്നും
ചെറുനാരങ്ങ വാങ്ങി മണത്തപ്പോൾ എനിക്ക് തോന്നുന്നു
ഏന്റെ അഛനു ചെറുനാരങ്ങയുടെ മണമായിരുന്നു…

വെയിൽ ചിത്രങ്ങൾ

തുലാമാസത്തിലെ വെയിൽ ഒരു നല്ല സ്വപ്നം പോലെയാണു , ഒരു ഭയപ്പാടിന്റെ കറുത്ത രാത്രിയുടെ ദുസ്വപ്നത്തിനെ ഒളിപ്പിക്കാനാവുന്ന ഒരു സ്വ്പനം.

ജനലഴികളിൽ മുഖമർത്തുമ്പോൾ തണുപ്പിന്റെ ഒരു കൊച്ചു സാന്ത്വനം, മുറ്റത്തും തോപ്പിൽ നിറയെയും കുരുവികൾ, ഈയിടെയൈ തീരെ കാണാനില്ലാത്ത
ഒരു വാലാട്ടിപക്ഷി എന്തൊക്കെയൊ പരിഭവം പറഞ്ഞുകൊണ്ട് പറന്നുപോയി.

 പച്ചപ്പ് നിറഞ്ഞ ഒരു നാട്ടിടവഴിയിലൂടെ, നനഞ്ഞ ഒരു പ്രഭാതം , ഇലകൾക്കിടയിലൂടെ വെയിൽ ചിത്രങ്ങൾ , ഈ വെയിൽ എന്നെ ഒരുപാടു ആഹ്ളാദിപ്പിക്കുന്നു ( അനൂപിനു കടപ്പാട്)

വെയിൽ പ്രണയം പങ്കുവെച്ച കൂട്ടുകാരി തന്ന “മുഴുവട്ടൻ ” പേരിനെയും ഞൻ വെയിൽ പൊലെ ഇഷ്ടപെടുന്നു.

വിഹ്വലതയുടെ മഴക്കാഴ്ചകൾ

എന്റെ അബോധങ്ങളെ ഈ മഴ സംഗീത സാന്ദ്രമാക്കുന്നു. ചില നേരങ്ങളിൽ ഒരു പുതപ്പുപൊലെ എന്നെ ഒളിപ്പിക്കുന്നു. കാലവും ദൂരവും വിസ്മരിക്കപെടുന്നു. ഓർമ്മകളിൽ എവിടെയൊ ഭൂപീന്ദർ പാടുന്നു.

दिल ढूँढता है फिर वोही... फुरसत के रात दिन..

സംഗീതം വീണ്ടും മഴയായി പെയ്യുന്നു.. മഴ സംഗീതമാവുന്നു.

അങ്ങിനെ അരക്ഷിതത്തിന്റെ രാത്രികളിൽ ഞാൻ ഉറങ്ങുന്നു..

ഓർമ്മകൾക്ക് ഒരു ആമുഖം

ഓർമ്മകളെ മുഴുവനായും താളുകളിലേക്ക് പകർത്തുക എന്നത് എറെക്കുറെ അസാധ്യം തന്നെ.വ്യക്തമായ അളവുകോണുകളും നിറം പിടിപ്പിച്ച പുറംചട്ടകളും കൊണ്ട് ഒരു പകർത്തെഴുത്ത് , അതും എനിക്കാവില്ല . കാരണം എന്നെ സ്ംബന്ധിച്ചിടത്തോളം ഓർമ്മകൾ പൊടുന്നനെ ബാഷ്പീകരിക്കപ്പെടുന്നു . സ്വന്തം  കുട്ടിക്കാലം മറ്റുള്ളവർ പങ്കുവെക്കുമ്പൊഴും, കെട്ടുകഥ കേൾക്കുന്ന കുട്ടിയെപ്പൊലെ കണ്ണു മിഴിച്ചിരിക്കാറുണ്ട് .

അങ്ങനെ ഓർമ്മകളിൽ പൂർണ്ണമായും മഞ്ഞു വീഴുന്നതിനു മുമ്പ്,

 അടുക്കും ചിട്ടയുമില്ലാതെ തലമണ്ടയിൽ കിടക്കുന്നു ശകലങ്ങളെ തോന്ന്യാക്ഷരങ്ങളാക്കി എങ്കിലും മാറ്റെണ്ടത്  ആവശ്യമാണെന്ന് തോന്നുന്നു

 ഈ സാഹസത്തിനു അക്ഷരസ്നേഹികളോട് ക്ഷമ ചോദിക്കുന്നു

സ്നേഹ്ത്തിന്റെയും നന്മയുടെയും ഒരു ആകാശത്തിനും കടലിനും....

ഓർമ്മത്താളുകളിലെ ആദ്യത്തെ വരി സ്നേഹ്ത്തിന്റെയും നന്മയുടെയും

ഒരു ആകാശത്തിനും കടലിനും....

എന്നെ പിച്ച വെച്ചൂ നടത്തിയ..

അക്ഷരവെളിച്ചം തെളിച്ചു തന്ന.....

എന്നെ സ്നേഹിക്കാൻ പഠിപ്പിച്ച...

എന്റെ ബാലൻ മാഷിനും ഇന്ദിര ടീച്ചർക്കും....